Гормонды жағдайды дәрі-дәрмектердің көмегінсіз қалпына келтірудің 10 тәсілі

Гормонды ауытқулар ауыр салдардың орын алуына алып келеді. Алдымен ұйқысыздық, күйгелектік сияқты белгілер байқалады, содан соң артық салмақ пайда болады. Әрине, әйел адам одан ары күйзеліске түсіп, уайымдап, диета ұстап, өзін физикалық жаттығулармен қинай бастайды. Арнайы маманға қауіпті белгілер пайда болған жағдайда барады. Мысалы, цикл бұзылғанда, күйзеліске түскен кезде. Тағы бір айта кететіні, гормонды бұзылыстар қатерлі ісік сияқты қауіпті салдарға алып келеді.

Дәрігер не істейді? Дәрі-дәрмектер белгілейді, нәтижесінде әйел адам оларды өмірінің соңына дейін қабылдауға мәжбүр болады. Мұндай жағдайдың орын алмағанын қалайсыз ба? Оның шешімі бар! Дәрі-дәрмектерді ішпей-ақ гормонды жағдайды сақтауға көмектесетін маңызды бірнеше кеңесті ұсынамын. Барлық ұсынымдар өте қарапайым, көп қаржыны қажет етпейді, денсаулықты жалпы жағдайын жақсартуға көмектеседі. Әдістер ұзақ уақыт бойы тексеруден өткен, өздерінің тиімділіктерін дәлелдеген.

Дәрі-дәрмектерсіз емделу

Ешқандай медициналық препараттар денсаулықты қайтарып бере алмайды, дәрі-дәрмектер тек қана белгілерін жеңілдетеді, ауырсыну белгілерін жояды, бірақ қабылдауды тоқтата салысымен, ауырсыну белгілері қайта пайда бола бастайды. Аурумен кешенді түрде күресу керек, жай ғана дәрі-дәрмектерді қабылдау аздық етеді.   

Ең бастысы – өмірге деген қатынасты өзгертіп, мәселенің туындауына алып келген нәрседен бас тарту керек. Мұндай тәсіл сау, байсалды және бақытты болуға көмектеседі. Гормондық әрекетсіздікті жою үшін не істеу керек? Ең маңызды сәттерін келтірейік.

Рационға пайдалы майларды қосамыз

Қалыптасқан таптаурындарға қарамастан, майлар үнемі денсаулыққа зиянды емес. Қаныққан майларды рационнан шығарып тастаған дұрыс, ал қанықпағандар міндетті түрде ас мәзіріне кіруі керек. Біріншілері атеросклерозға алып келеді, ал екіншілері артық салмақтан арылу процесін жылдамдатуға көмектеседі.

Нені жемеу керек:

пальма майы;

маргарин;

қант;

майлы ет;

фастфуд.

Көрсетілген өнімдерді рационнан толық шығарып тастаудың қажеті жоқ, бірақ оларды жеу кезінде өте сақ болу керек. Ал мына тамақтар өте пайдалы:

майлы емес балық;

жаңғақтар;

асқабақтың дәндері;

күнжіт майы;

өнген бидай.

Алайда бұл жағдайда шаманы білу керек. Күн сайын грек жаңғағының 10 данасынан артық жеуге болмайды. 

Өсімдіктер – ең үздік дәрігерлер

Емдік өсімдіктердің арасынан адаптогендер деп аталатын ерекше тобы бөлінеді. Оларға аралия, сермене, адамшөп сияқты ағзаға жағымды әсер ететін шөптерді жатқызады. Өсімдік қайнатпалары мен тұнбаларын тұрақты түрде пайдалану мыналарға көмектеседі:

қабынуды жоюға;

аурудан айығып болғаннан кейін күшін қалпына келтіруге;  

көңіл-күйді жақсартуға; 

күйзелісті азайтуға; 

бүйрек безінің жұмысын қалпына келтіруге.  

Шөптерді үнемі қабылдай беруге болмайды, үзіліс жасап, оларды ауыстырып тұру керек.

Көп қанықпаған май қышқылдары

Денсаулық үшін омега-3 және омега-6 оңтайлы теңгерімін ұстанған дұрыс. Олардың бұзылуы ауыр дерттерге шалдығуға әкеп соғады. Мәселелердің негізгі қайнаркөздері – шамадан тыс ішу семіздікке, жүрек ауруларына әкелетін өсімдік майлары. Бұған жол бермеу үшін, өсімдік, жүгері, соя майларын зәйтүн немесе сары майға ауыстыру керек.

Сондай-ақ құрамында омега-3 бар өнімдерді қолданған дұрыс. Оған балық, ет, жұмыртқа жатады және де өте жоғары сапалы болуы керек. Қазіргі кезде мұндай сапалы азық-түлікті қайдан сатып алу керек? Ол әрине, бөлек әңгіме.

Асқазанға назар аударамыз!

Ойық жара – ішектегі пайдалы микрофлораны өлтіретін, гормонды жағдайға қатты әсер ететін қатерлі ауру. Пробиотиктер ағзаның инсулинмен, лептинмен және өзге де гормондармен қанығуына көмектеседі. Ойық жара асқазан-ішек жолдарында мәселелердің туындауына алып келеді, нәтижесінде адам қажетті мөлшердегі гормондарды алмайды.

Аурудың салдарынан ағзадан шығуы керек болған қауіпті заттар қанға келіп түседі. Нәтижесінде қалқанша безінің, буындардың жұмысын бұзатын асқынулар пайда болады.

Дәнді дақылдардың, тұздықтардың, тоқаштардың, тәттілердің құрамында болатын қант пен глютенді көп мөлшерде қолдану өте зиян. Асқазан ауырған кезде шикі күйіндегі көкөністерді жеп, айран, сұйық тағамдар ішу керек. Сондай-ақ микрофлораға жақсы әсер ететін тағамдық қоспаларды да қабылдауға болады.

Уыттардан құтыламыз

Уыттар қанға тері арқылы да келіп түседі, сондықтан табиғи емес косметикадан бас тарту керек. Дүкенде сатылатын бет күтіміне арналған заттар ағзаны уландыруы мүмкін! Сондықтан оларды табиғи майларға, өзіміз дайындаған иісмайларға алмастырған дұрыс. Дайындалуы да аса қатта қиын емес, бірақ нәтижесі көңіліңізден шығады. Компоненттерді дәріханалардан сатып алуға болады. Бағасы да қатты қымбат емес.

Еш уақытта суды пластиктен жасалған ыдыста сақтамаңыз! Ондай ыдыс денсаулыққа қауіпті, ол бір рет қолдануға арналған. Пластик ағзаны ластайтын қауіпті қосылыстарды шығарады. Сондай-ақ алюминийден жасалған ыдыстар да қауіпті деп есептеледі.

Дені сау ағзада…

Денеге түсетін ауырлық күштер зат алмасуды жылдамдатады, жақсы қалыпқа келуге көмектеседі. Жаттығу кезінде қуаныш гормоны бөлінеді, көңіл-күй жақсарады. Процестен ләззат алу үшін ауырлық күшінің өзіңізге ұнайтын түрін табыңыз. Денсаулығыңызға байланысты шектеулер болса, онда маманның көмегіне жүгіне отырып, жеке бағдарлама құрыңыз. Мұнда ең бастысы ағзаны ауырлық күшті шамадан тыс жүктемей, жарақаттануға жол бермеу керек.

Уақытында ұйықтау

Дұрыс ұйқы – жеке-дара түсінік, өзін сергек сезіну үшін кейбіреуге 10 сағат, ал өзгеге 6 сағат жеткілікті. Алайда, ұйықтауға тым кеш жатпаған жағдайда ғана толыққанды демалуға болады.

Неліктен бұндай жағдай орын алады? Күйзеліс гормоны қалыпты денсаулық үшін қажет, алайда оны үнемі арттыру шаршағыштыққа алып келеді. Кортизолдың мынадай ерекшеліктері бар: түн ортасында оның мәні нөлге айналады, ал таңертең артады. Егер адам түнгі сағат 3-те ұйықтаса, гормон жаңарып үлгермейді. Күйзеліс – ұйқысыздық пен артық салмаққа тікелей алып келетін жол. Ал олар өз кезегінде көңіл-күйді көтеруге және қиналу деңгейін төмендетуге бөгет жасайды. Осындай тығырыққа әкеліп тірейді. Міне, сондықтан да ұйқыға ерте жатқан дұрыс.

Кофе мен ішімдікке жол жоқ!

Кофеин тәуелділікке алып келеді, бұл зат босаңсуға және ұйықтауға жол бермей, ағзада бірнеше сағатқа дейін болады. Кофе қысымды жоғарылатып, ұйқыны ашады, ал ол кортизол деңгейінің артуына алып келеді.

Алкогольді сусындардың зияны туралы көп сөз қозғалады, дегенмен бұл мәселе әлі күнге дейін өзекті. Ішімдіктің негізгі зияны – бауырдың ауруы, ал ол гормонды балансқа жауап береді. Бауырдың қалыпты жұмыс істеуін қалпына келтіру үшін тіпті аздаған мөлшердегі ішімдіктен де бас тарту керек.  Алатікен бауырды тез қалпына келтіруге көмектеседі.

Күннің көмегі

Ультракүлгін сәуле ағзаның қалыпты жұмыс істеуі үшін қажетті D дәруменін өндіруге көмектеседі. Ол келесі қызметтерді атқарады:

асқынуды азайтуға көмектеседі; ;

ұйқы безінің жұмысын жақсартады; 

инсулиннің өндірілуін тұрақтандырады; 

глюкозаның деңгейін қалпына келтіреді; 

күйзелістің салдарын жояды. 

D дәруменінің жетіспеушілігі еліміздің әрбір тұрғынына дейін таныс маусымдық көңілсіздікке алып келеді. Күзде күн сәулесі азая түседі, нәтижесінде көңіл-күй нашарлап, ұйқыға, еріншектікке тартады. Ағзаға осы қиын уақытты бастан өткізуге көмектесу үшін күн сәулесіне жылыну мүмкіндігі пайда бола салысымен, далаға көбірек шығуға тырысыңыз. Сондай-ақ D дәруменіне бай өнімдерді рационға қосуға болады: сары май, ірімшік.

Бала көтертпейтін дәрілердің зияны

Маман бала көтертпейтін дәрілерді тексеру нәтижелеріне қорытынды жасай отырып белгілеуі керек. Алайда мұндай жағдай үнемі толық орындалмайды. Ашығын айтқанда, тіпті ешқашан. Дәрі-дәрмекті өндірушілер бізді өздерінің жаңалықтарына сынайды. Мұндай дәрілер гормонды жағдайдың өзгеруіне алып келеді, ал ол қауіпті, жағымсыз салдарға әкеліп соғады. Бұл бала көтертпейтін дәрілерді қабылдағаннан кейін әйел адамдардың денсаулығы неліктен нашарлай бастайтынын түсіндіреді. мұндай орын алған жағдайды жоюға бір айдың өзі жеткіліксіз болады.

Мықты денсаулыққа қол жеткізу және гормонды бұзылыстарды ұмыту үшін мүмкін емес ештеңе жоқ. Бірақ тамақтану тәртібін қайта қарауға, кофе және ішімдік ішу әдеттерінен құтылуға, спортпен айналысуға тура келеді. Бұлар көптеген мәселелерді шешудегі қарапайым қадамдар, бірақ нәтижесі бірден байқала қоймайды. Шыдамдылық танытып, жақындарыңыздың қолдауына жүгініңіз, нәтижесі жақсы болатынына сенімді болыңыз. Күш-жігеріңіз зая кетпейді, өйткені сіз өз денсаулығыңызды жақсартумен айналысып жатырсыз. Ал адамға одан маңызды не бар?